LAOAG CITY – Pappapigsaen ti Japan ti panagusar ti artificial intelligence (AI) tapno makatulong ken masolbar ti kinakurang dagiti doktor a mangisaysayangkat ti surgery kadagiti sumarsaruno a tawen.
Binukel ti startup company a Direava ti mausar nga AI system a mangtingtingiting kadagiti ladawan ti organs ken blood vessels ken mangipapaay ti panangbayabay kadagiti surgeon iti oras ti operasion.
Basar iti kompania, gagem ti teknolohia a makissayan ti stress dagiti surgeon ken mapasayaat ti panangtratar kadagiti pasiente.
Iti maysa a pannubok idi Pebrero, nakairekord ti AI system ti 85% agingga 90% nga accuracy iti panangsungbat kadagiti saludsod ti medical student kabayatan nga ob-obserbaren ti cancer surgery.
Agtultuloy nga ad-adalen ti gobierno ti gobierno ti Japan dagiti pagalagadan sakbay a naan-anay nga usaren ti AI kadagiti operasion tapno masigurado ti kinatalged dagiti pasiente.
