LAOAG CITY – Nakagun-od ti world record ti maysa nga agtawen iti 22 a college student idiay India kalpasan a nakapartuat ti vacuum cleaner a basbassit pay iti maysa a gagangay a ballpen.
Kinumpirmaran ti records keeping organization a Guinness World Records a ni Tapala Nadamuni ti baro a world record holder ti titulo a “World’s Smallest Vacuum Cleaner.”
Daytoy ket gapu ta ti imbensionna ket adda laeng ti kadakkelna a 0.65 cm no sadinno ti kadakkelna ket ti ramay ti ima.
Idi 2020, immuna a naipaima ken ni Tapala daytoy a rekord ngem iti simmaruno a tawen ket naagaw daytoy kenkuana.
Namindua a daras a nangaramid ti prototype ngem na-reject dagitoy. Dimmanon daytoy ti dua a tawen sakbay a nakapartuat ti basbassit a vacuum.
Kuna ni Tapala, gimmastos isuna ti 20,000 indian rupees wenno katukad ti P13,500 tapno mabukel ti vacuum cleaner.
