LAOAG CITY – Naka-standby dagiti kameng ti Philippine National Police ken Bureau of Fire Protection iti ili ti San Nicolas no inkaso nga adda dagiti agkasapulan ti tulong ken agtultuloy a rumanggas ti epekto ti Bagyo Julian.
Segun ken ni Mayor Mike Hernando, nakapre-position pay dagiti heavy equipment kas iti backhoe, payloader, dumptruck, agraman dagiti salbabida ken tali a masapul.
Kunana a 24/7 ti monitoring da sipud ta naruay dagiti banbantayan da a barangay.
Inpakaammu ti Mayor nga immunan a binili na dagiti Barangay Officials a mabalin da nga usaren ti calamity funds da tapno adda usaren da.
Kabayatanna, awan met pay ti nairekord a casualty iti nasao nga ili ngem maladingitan ni Hernando gapu ta makitkita na a naruay manen dagiti madadael iti sector ti agrikultura.
