LAOAG CITY – Pinakaamoan ti kampo ni dati a President Rodrigo Duterte iti International Criminal Court (ICC) a ti gobierno ti Pilipinas ket nakasagana a mangawat aniaman ti desisyon mainaig iti temporaryo a pannakawaya-waya na kabayatan a sumangsango iti kaso.
Iti naipila iti President Rodrigo Duterte Pre-Trial Chamber I, dinakamat ni defense lawyer Nicholas Kaufman ti rakurak ni Palace Press Officer Undersecretary Atty. Claire Castro iti maysa a press conference a suruten ti Marcos administration ti desisyon ti korte mainaig iti kiddaw nga interim release.
Segun kenni Kaufman, adda ti posibilidad iti interim a saan a kontra ti gobierno ti Pilipinas nga inawagan na a daytoy ti nangisuko kenni Duterte iti International Criminal Court.
Ummunan nga inrakurak ni Castro kalpasan ti inbaga ni Vice President Sara Duterte nga addan ti maysa a pagilyan a mangawat iti ama na no maaprubaran ti kiddaw da.
Saan met a dinakamat ti bise presidente no ania a pagilyan ti dakdakamaten na ngem saan a ti Japan ken Australia nga ummunan a binisita na.
Maipalagip nga idi Hunyo ket kiniddaw ti kampo ni Duterte iti President Rodrigo Duterte ti interim release ken nadakamat a ti agtawen ti 80 a dati a lider ket awan ti risgo na iti panagbyahe.
Naitantan pay ti confirmation of charges gapo iti rakurak ti kampo na a saan na a kabaelan ti agatendar iti panagdengeg gapo ta saan na a malagip dagiti napaspasamak ken dagiti miembro ti pamilya na.
Ni Duterte ket nakabalod iti President Rodrigo Duterte idiay The Hague sipud idi Marso 13 kabayatan a maiyur-uray ti hearing iti kaso na a crimes against humanity mainaig iti maipagarop a panagabuso iti war on drugs idi isuna ket Davao City mayor ken presidente ti Pilipinas.
