LAOAG CITY – Nakabkabil ken napangtaan ti maysa a kapitan idiay Brgy. 44, Zamboanga ditoy ciudad ti Laoag.
Nabigbig daytoy a ni Brgy. Chairman Elmer Lorenzo, agtawen ti 54 idinto a ti suspek ket ni Rogelio Malazarte Jr., agtawen ti 33, agpada a residente iti nasao a barangay.
Immuna iti daytoy, nagturong ni Malazarte iti balay ti pamilya Lorenzo ket kellaat lattan a dinanog na ti anak ti kapitan a ni Michael Lorenza, agtawen ti 25.
Segun ti report, naganawa ti Kapitan ken inpakaammo na nga isuna ti kapitan ngem inramraman ti suspek a dinanog iti nagduduma a paset ti bagi na.
Maaksid iti daytoy, pinangtaan ti suspek dagiti agama ken papatayen na ti nasao a kapitan.
Kalpasan daytoy ket nagtaray ti suspek iti kabakiran a paset ti nasao a barangay idinto a ti kapitan ket naitaray iti Laoag City General Hospital.
Mainaig iti daytoy, natiliw met laeng ti suspek babaen ti naiyuswat a manhunt operation ken iti agdama ket adda daytoy iti kustudiyar ti PNP-Laoag.
