LAOAG CITY – Maysa nga agtawen iti 25 a babai a marigatan a makabiruk ti boyfriend gapu iti kinatayagna no sadino inarak dagiti agrayo kenkuana kalpasan a simmikat iti online.
Ubing pay laeng ni Xiao Mai ket ammon dagiti nagannak kenkuana a sobra ti kinatayagna gapu ta adda pay laeng isuna iti grade 7 ket agtayag daytoyen iti six footer.
Saan a nagsardeng ti panagtayag ni Xiao Mai gapu ta tinawen ket manaynayunan ti height-na ti 10 centimeters.
Nagbalin isuna a basketball player iti high school ngem nagsardeng gapu ta nagsagaba ti injury ken pinilina nga agpokus iti panagadal. Ita nga agtawen daytoy iti 25 ket dumanonen iti 7 feet 5 inches ti height-na.
Gapu iti daytoy, uray dagiti natatayag a lallaki iti lugarda ket agbalbalin a bassit isu a marigatan a makabiruk ti boyfriend.
Nagaramid ti vlog ti ina ni Xiao Mai tapno mabigbig daytoy iti intero a China ken makabiruk isuna ti maibagay iti anakna.
Napagsasaritaan dagiti Chinese netizens dagiti vlog daytoy agingga a nagsasaruno dagiti mangayat a mangam-ammo ken ni Xiao Mai.
Iti agdama, saan pay a nakabiruk ti boyfriend ni Xiao Mai.
