LAOAG CITY – Inrakurak ni Sangguniang Panlungsod Member Bryan Alcid nga adda ti naawatna a surat manipod iti Kapitan ti Brgy. Buttong ditoy siudad ti Laoag.
Segun kenkuana, maibasar iti naawatna a surat ket adda ti nakailanad nga agnagan ti Charito Macuray a karaman iti listaan ti pannakaiyisyu ti baro a barangay franchise.
Nailawlawag ditoy a saan a nairaman iti listaan ti maseknan gapu ta awan ti pirma ti Kapitan iti Barangay Certification no sadino daytoy ket masapol nga adda kas maiyallubog iti Local Government Code iti pannakaiyisyu ti baro a barangay franchise.
Nadakamat iti surat nga awan ti dry seal ti Barangay Buttong iti letter nga isu ti pakakitaan a daytoy ket valid ken pudno.
Mainaig iti daytoy, awan ti naiyuswat a deliberation wenno panagsasarita iti Council para iti pannakaiyisyu ti baro a barangay franchise.
Kabayatanna, inpaima ni Vice Mayor Carlos Fariñas iti komite nga idadauloan ni Konsehal Alcid ti nasao a surat tapno maimbestigar a nasayaat ken maduktalan ti sibubukel a napasamak.
