LAOAG CITY – Maproblemaan ni Sangguniang Panlungsod Member Jason Perera iti saan a panagkolektar dagiti garbage collectors kadagiti styrofoam ditoy siudad ti Laoag.
Inbatadna a daytoy ket kinumpirmaran ti City Engineering Office kas panangsurot iti No Styrofoam Ordinance ditoy siudad.
Gapu iti daytoy, inpalgakna nga adda dagiti residente nga agur-urnong ti basurada nga Styrofoam ken puoranda a mangitunda ti dakes nga epekto iti aglawlaw.
Kiniddaw ni Konsehal Perera iti konseho nga adalenda a naimbag iti nasao a banag.
Kabayatanna, inlawlawag ni Ms. Mylene Pascual, mangidadaulo ti City Environment and Natural Resources Office nga adda ti nabukel nga Styroplastic Committee a nadutukan a mangmonitor kadagiti naglabsing iti agdama nga ordinansa.
