LAOAG CITY – Kalikagom ti konseho a maaddaan ti ad-ado a trash bins kangrunaan na dagiti paglakoan tapno maliklikan ti pannakaiwarang lattan dagiti basura kabayatan ti panangrambak ti Pamulinawen Festival ditoy ciudad ti Laoag.
Daytoy ket babaen iti naipasa a maysa a resolusyon iti konseho ditoy ciudad.
Naipalaon pay iti resolusyon a mamulta ti sangaribo a pisos dagiti maduktalan nga agiwarang lattan ti basura na iti ciudad ken possible a mabalud pay agingga iti lima nga aldaw dagiti maseknan.
Mainaig iti daytoy, adda dagiti madesignaran nga agmonitor tapno masigurado a mapagtalinaed a nadalos iti aglawlaw ditoy ciudad ti Laoag.