LAOAG CITY – Saan a nangisyu ti Korte Suprema ti Temporary Restraining Order (TRO) ngem binilin na dagiti executive officials nga agkomento iti 72 nga oras iti mosyon ni Senador Ronald “Bato” dela Rosa a mangkwes-kwestyunar ti validity ti arrest warrant nga inisyu ti International Criminal Court (ICC).
Karaman kadagiti respondents a masapol nga agkomento ket ti Executive Secretary, Department of Justice (DOJ), National Bureau of Investigation (NBI), ken ti Philippine National Police (PNP).
Uray ni Dela Rosa ket karaman kadagiti nabilin nga agkomento ti 72 nga oras.
Kabayatanna, inlawlawag ni Supreme Court spokesperson Atty. Camille Ting a ti kiddaw a temporaryo a maipasardeng ti possible a pannakaarestar ni dela Rosa ket saan a masakupan ti nasao a resolusyon.
