LAOAG CITY – Mangnamnama ti grupo ti Partido Manggagawa a mangngeganda manipud ken ni Presidente Ferdinand Marcos Jr. ti lima a dadakkel a labor policies ken labor issues iti maika-lima nga State of the Nation Address (SONA).
Segun ken ni Partido Manggagawa Chairman ken dati a Rep. Rene Magtubo, namnamaenna a pagpokusan ti Presidente ti panagngato ti bilang dagiti awan trabahona ken ti panagraira ti contractualization.
Maikauda, panangngato ti presio dagiti magatang ken saan nga umno a sueldo dagiti agtrabtrabaho, aglalo kadagiti addaan laeng ti nababa a sueldo.
Maika-tallo, panagsungbat ti presidente iti naruaty a ‘gap’ iti nagbaetan ti minimum wage ken panagngato ti cost of living allowance iti intero a pagilian.
Maika-uppat, dagiti naanomalia a flood control ken dadduma pay a public infrastructure project a makaapapektar kadagiti marigrigat ken ti maudi, kinakurapay dagiti nagduduma a sektor.
Mainaig iti daytoy, Inpetteng ni Magtubo a no ti nagbalin a quotable quotes ni Presidente Marcos ket ‘Mahiya Naman Kayo’ idi maika-uppat a SONA, ket segun kenkuana, agbalin daytoy a ‘Mahiya Naman Kayo sa Manggagawang Pilipino.’
