LAOAG CITY – Natay ti maysa a lalaki kalpasan a nagbekkel iti ruar ti balay a banbantayan na iti Brgy. Sangladan iti ili ti Paoay.
Nabigbig ti biktima a ni Romel Langgaman, agtawen 59, balo ken residente met laeng iti nadakamat a barangay.
Segun ken ni Pol. Lt. Rodel Baradi, ti chief of Police iti ili ti Paoay, nagbekkel ni Lagaman usar ti sinturon ti sapatos nga agarop dua a metro ti kaatiddug na.
Rumrumuar a gapu iti kinabassit ti sweldo a maaw-awat na manipod iti ipag na nga agtagikua ti banbantayanna a balay ti rason a nagbekkel ti nasao a biktima.
Innayun ni Baradi nga adda ti gundaway a naibaga ti biktima ti problema na iti maysa nga anakna ken ti karrubada.
Iti agdama, agtultuloy ti imbetsigasyon ti PNP Paoay seknan ti napasamak nga insidente.
