LAOAG CITY – Natay ti maysa a senior citizen kalpasan nga inbitin na ti bagbagi na iti poon ti mangga iti Barangay Talingaan ditoy ciudad ti Laoag.
Nabigbig daytoy a ni Mariano Calingao, agtawen ti 60, care taker iti maysa a mango farm ken residente iti nasao a barangay.
Basar iti imbestigasyon ti PNP Laoag, nakita laengen ti anak ni Calingao ti bangkay ti ama na a nakabitin iti poon ti mangga babaen iti tali.
Naamoan a 50 a metro laeng iti kaadayo ti mango farm manipod iti balay da.
Insigida met a pinuted ni JR ti sanga ti mangga nga inusar ti ama na a nangibitinan ti bagbagi na.
