LAOAG CITY – Maysa a content creator idiay British Columbia, Canada ti nakairekord ti world record kalpasan a nagkabit ti adu a sipit iti rupana iti uneg ti maysa a minuto.
Kinumpirmaran ti records keeping organization a Guinness World Records a ni Jacob Hillhouse ti baro a world record holder ti titulo a “Most Clothes Pegs Clipped to the Face in One Minute.”
Daytoy ket kalpasan a nakakabit ti 52 a pedaso ti sipit ti rupana iti uneg ti maysa a minuto.
Naiyuswat ti record breaking attempt ni Hillhouse iti Society Barbershop idiay Duncan, British Columbia. Dua a witness ken dua nga expert timekeeper ti present iti nasao nga event tapno tulungan ni Hillhouse nga ag-validate, ag-video ken mangdokumento dagiti mapasamak nga isubmitir iti Guinness.
Dimmanon ti uppat nga oras ken 75 a gandat sakbay a naperpekto ni Hillhouse ti panagkabit ti 52 a pedaso ti sipit iti rupana.
Maysa kadagiti narigat daytoy a magun-od a world record gapu ta malaksid a nasakit iti rupa ket masapol nga alisto pay ti ima tapno adu ti maikabit a sipit.
Sakbay a nagun-od ni Hillhouse ti world record title, maysa a dekada daytoy ken ni Silvio Saba ti Italy ti record nga addaan ti 51 a pedaso ti sipit.
Ni Jacob Hillhouse ket nakakabit ti 52 a pedaso ti sipit.
