Inpakammo ni Mr. Elviro Agoo, ti dati a kapitan ti Barangay Davila iti ili ti Pasuquin a mapukpukaw ni Mr. Alvasan Federico Domingo, agtawen 57, naasawaan ken residente iti nasao met laeng nga ili.
Segun ken ni Mr. Agoo, inpakaammo daytoy ti asawa ti lalaki a mapukpukaw ti asawana.
Inbatadna a napanna binalunan ti asawana iti temporario a pagtaenganna iti bantay no sadinno a maysa a kilometro ti kaadayona manipud iti balayda nga igid met ti baybay.
Idinto a napan daytoy iti bigat ket adda pay laeng ti lalaki ngem ti malem na ket awanen daytoy ti pagtaenganna.
Malaksid iti daytoy, kinuna pay ni Mr. Agoo a nadisgrasia daytoy idi ket naaddaan ti brain damage-na ngem nupay kasta ket makalasin, makakita, ken makatrabaho pay laeng ti nasao a lalaki.
Innayon pay ni Mr. Agoo a ti pannakapukaw ket mapatta-patta a nagsubli ti saan a nasimbeng a panunot ti lalaki.
