LAOAG CITY – Nadungpar ti nakalugan ti motorsiko ti nakabisikleta iti paset ti Laoag Suba Road iti Darayday Road ditoy ciudad ti Laoag.
Nabigbig dagiti nakamotorsiklo a da Russel Juan y Corpuz, agtawen ti 36, naasawaan, driver ti motorsiklo ken ti nakalubbon ket ni Deborah Corpuz, agtawen ti 56, naasawaan, agpada a residente iti Brgy. 46 Nalbo ditoy ciudad idinto a ti nakabisekleta ket ni Arwin Verdadero y Manera, agtawen ti 36 ken residente ti Bgry. Cali, Dingras ngem agnanaed iti Brgy 48-A Cabungaan ditoy ciudad.
Basar iti imbestigasyon ti PNP Traffic Division, agpapa-amianan ti motorsiklo iti Suba Road idi nadungpar na ti nakabisikleta nga agpadaya a direksyon a naggapu iti laud a kalsada wenno sumrek iti Darayday Road.
Gapu iti daytoy, na-slide dagiti maseknan rason a nagsagaba da ti gasgas kadagiti sumagmamano a paset ti bagi da.
Insigida nga intaray ti Department of Public Safety iti kaasitgan nga ospital dagiti biktima.
