LAOAG CITY – Agtultuloy ti imbestigasyon ti PNP-Vintar seknan ti napasamak a pammaltog idiay Brgy. 5, San Ramon iti nasao nga ili.
Nabigbig ti biktima a ni Teresita Suniga y Magbanua, agtawen ti 57, balo, ken residente iti nasao a lugar idinto a saan pay a nadeterminar ti suspek ngem nakabado ti grey t-shirt, maong pants, agarop 5’5 ti katayag na.
Ti inisyal nga imbestigasyon ti PNP, kabayatan a banbantayanti biktima ti mansayag ti asawa na a ni Francisco Suniga Sr. ket simrek ti suspek tapno kitaen na ti bangkay.
Segun ti impormasyon, apaman a nakarwar ti suspek ket nangasot ti paltog ken pinaltogan na dagiti dua a saka ti biktima.
Dagus a naglibas ti suspek kalpasan ti napasamak a pammaltog ken nakalugan ti motorsiklo.
Nagtalinaed met Gov. Roque Ablan Sr. Memorial Hospital ditoy ciudad ti Laoag ti nasao a biktima ken agpapan ita ket saan pay a nadeterminar ti pakabigbigan ti suspek.
Kabayatanna, nakarekobre ti SOCO ti maysa a basyo ti kalibre 45 a paltog.
