LAOAG CITY – Sumango iti panagsalungasing iti RA 9165 wenno Comprehensive Dangerous Drugs Act of 2002 ti suspek a natiliw babaen ti anti-illegal drug buy bust operation iti ili ti Sarrat.
Nabigbig ti suspek a ni Ding Burgos, a residente ti Brgy. 21 iti ili ti Sarrat.
Iti nakalap nga impormasyon ti Bombo Radyo Laoag, ni Burgos ket adda iti target priority watchlist iti provincial level.
Immuna iti daytoy, naglako ti suspek ti maysa a sachet a naglaon ti maipagarup a shabu iti nagpammarang a gumatang iti iligal a druga.
Narekobre dagiti otoridad dagiti 12 a sachet a naglaon ti maipagarup a shabu iti ikot ti suspek.
Nagtalinaed ni Burgos iti kustudyar ti PNP Laoag para ti pannakaisagana dagiti reklamo a maipila ken iti idadalan na iti inquest procceding.
Naamuan ti Bombo Radyo Laoag nga addaan ti dati a naipila a kaso a carnapping kontra kenkuana idi tawen 2009.
