LAOAG CITY – Naarestar ti maysa a lalaki kalpasan a nadungparna dagiti sumagmamano a pedestrian iti Derby city centre idiay United Kingdom.
Ti driver ti kotse a Suzuki Swift nga agmaris ti nangisit ket agtawen ti mapatta-patta a 30.
Gapu iti daytoy, nasugatan ti sumagmamano nga indibidual no sadinno ket adda dagiti nagsagaba ti nakana a sugat a manarimaan a matamtaming dagitoy iti ospital.
Segun iti Derbyshire Constabulary, insigida a napaserraan ti Friar Gate a nakapasamakan ti insidente a nabalakadan ti publiko nga adaywan ti lugar.
Immapela ti kapulisan iti publiko a makikoordinarda kadakuada para iti naan-anay na impormasion iti napasamak nga insidente.
Basar kadagiti otoridad a makaalarma ti napasamak ngem inpasingkedna kadagiti umili nga awan ti pangta iti risgo ti publiko.
