LAOAG CITY – Maysa nga Egyptian ti nakagun-od ti world record gapu ta alistona a nabisita amin dagiti New Seven Wonders of the World.
Kinumpirmaran ti records keeping organization a Guinness World Records a ti agtawen iti 45 a ni Magdy Eissa ti baro a world record holder ti titulo a “Fastest Time to visit the New 7 Wonders of the World.”
Daytoy ket kalpasan a mabisitana amin dagiti Seven Wonders iti uneg laeng ti innem nga aldaw.
Rinugian ni Eissa ti world record attempt iti Great Wall of China, simmaruno ti Taj Mahal idiay India, ti ancient city of Petra idiay Jordan, Colosseum idiay Rome, Italy, Christ the Redeemer ti Brazil, Machu Picchu idiay Peru ken ti maudi ket ti Mayan city Chichén Itzá idiay Mexico.
Naammoan a tapno bigbigen ti Guinness ti record attempt, kasapulan ti public transport laeng ti pagluganna. Saan a mabalin nga agusar isuna ti bukudna a kotse ken private jet no sadino tapno agbalin a napaspas ti biahena iti pito a pagilian, plinanona a naimbag ti pagdalyasatanna a ruta.
