LAOAG CITY – Kalikagom ti lokal a gobierno iti ili ti Bangui a palawaen ti produksyon ti tabako iti lugar da.
Segun iti lokal a gobierno iti nasao nga ili, maysa da kadagiti kabassitan ti maaw-awat no maipapan iti tobacco excise tax, nga agdagup laeng iti 29 a milyon a pisos.
Naammuan nga adda laeng pakabuklan a 30 nga ektarya ti mamulmulaan ti tabako gapu ta kaadwan ket pagay ken mais.
Gapu iti daytoy, mangnamnama ti executive ken legislative a matungpal daytoy a kalikagom nangruna ket narugyanen ti bench mark kadagiti sumagmamano nga ili ditoy probinsya tapno maamwan ti karuay ti tabako a maimulmula iti tinawen, nangruna iti ili ti Pinili.
Patien da a daytoy nga addang ket makatulong kadagiti tobacco farmers nangruna no maipapan kadagiti kagamitan da iti panagtalon.
