LAOAG CITY – Kalikagom ti local a gobierno iti ili ti Dingras nga idadaulwan ni Mayor Jeofrey Saguid nga agbalin nga ‘Economic Tiger’ iti daya a paset ti probinsia.
Gapu iti daytoy, inbatad ni Vice mayor Erdio Valenzuela a kasapulan da iti Legislative body ti mangaramid ti addang kas panangsuporta da ti kalikagom ti local Chief Executive.
Karaman a kalikagom da a maaramid ket ti pannakaileppas ti pending a municipal tax code iti nasao nga ili.
Basar ti bise mayor, 3 a tawenen ti napalabas sipud idi immuna a naadal ti pannakaamendar ti municipal tax code, ngem naisardeng gapu ti pandemya.
Patien ni Valenzuela a panawenen tapnu ma amendaran ti Tax Code iti ili ti Dingras.
Malaksid iti daytoy, inbatad ti bise mayor a masapol a maamendaran pay ti ket environment ken traffic code ,ken dadduma pay a patienda a mangsuporta ti kalikagom ni Mayor Saguid.
