LOAAG CITY – Maysa kadagiti drug lords iti lubong ti inarestar dagiti kameng ti United States federal agents ti El Paso, Texas.
Nabigbig daytoy a ni ni Ismael “El Mayo” Zambada, agtawen ti 76, lider ti Sinaloa cartel ti Mexico,
Ni Zambada ket nangbukel ti criminal organization a kaduana ni Joaquin “El Chapo” Guzman, nga agdama a nakabalud idiay Estados Unidos.
Segun iti US justice department, naarestar a kadua ni Zambada ti anak ni Guzman a ni Joaquin Guzman Lopez.
Maipalagip nga idi laeng bulan ti Pebrero, ni Zambada ket indarum dagiti piskal ti Estados Unidos gapu iti panagilako na iti fentanyl, maysa a droga a napigpigsa ngem ti heroin.
Saan pay a nalawag dagiti detalye ti pannakaarestar dagiti dua, ngem agparparang nga apaman ti flight da idiay Estados Unidos ket ditoy a namonitor da.
