LAOAG CITY – Kinumpirmaran ni Mr. Ronald Estavillo, manager ti Laoag International Airport a naituding nga agdisso kuma ti six sitter plane iti LIA ditoy siudad ti Laoag.
Daytoy ket mainaig ti panagsuek ti nasao nga eroplano no sadino a natupakan na ti sumagmamano a balay idiay Brgy Lumang, Plaridel, Bulacan a nakatayan dagiti lima a naglugan ti eroplano ken lima a residente.
Kuna ni Estavillo a sumangpet kuma ti eroplano iti oras ti ala una wenno alas 2:00 idi malem kalman iti eropuerto.
Nupay kasta, saan a masinunuo no anya dagiti turongen dagiti turista ditoy probinsya.
Maipalagip a nagtake off ti Piper PA-23 Apache aircraft a kukua ti Lite Air Express idiay Plaridel Airport iti alas 11:21 ti aldaw idi kalman.
