LAOAG CITY – Maipin-pinal ti Department of Health (DOH) ti procurement wenno panaggatang kadagiti flu vaccines.
Segun iti maysa a statement nga inruar ti ahensia, posible nga inton Agosto ket maiparuk-at dagiti bakuna.
Mainaig iti daytoy, agdagup iti lima million a doses ti gatangen ti ahensia, a manamnama nga usaren dagiti senior citizen ti pagilian.
Apaman a mairuar dagiti bakuna ket mabalin a maited dagitoy kadagiti nakurapay a senior tapno masalaknibanda iti trangkaso.
Kabayatanna, segun iti Department of Health ket agtultuloy ti vaccination program para kadagiti seniors kas paset ti tawen 2023.
