LAOAG CITY – Inanunsio ti Judicial and Bar Council babaen ti Korte Suprema ti listaan dagiti agkalikagum nga agbalin a Chief Justice ti kangatoan a korte.
Basar iti nai-isyu a listaan ti Judicial and Bar Council, lima a kandidato ti agkalikagum nga agbalin a sumaruno a Chief Justice.
Dagitoy ket da,
-Senior Associate Justice Marvic Leonen
-Associate Justice Alfredo Benjamin Caguioa
-Assiociate Justice Rodil Zalameda
-Associate Justice Japar Dimaampao; ken
-Associate Justice Jose Midas Marquez
Malaksid iti nadakamat a listaan dagiti kandidato, imparuk-at pay ti Judicial and Bar Council ti aldaw ti pannakaangay ti ‘public interviews-da’.
Daytoy ket maiwayat inton Oktubre 22 ken Oktubre 26 iti daytoy a tawen.
Kabayatanna, ti sumaruno a madutokan kas chief justice ket agbalin a maika-28 a ‘chief justice’ a mangidaulo iti kangatoan a posision ti kangatoan a korte.
