LAOAG CITY – Pimmusay ti maibilang nga sprint queen a ni Lydia de Vega iti tawen na a 57.
Kinumpirmaran daytoy ti anak na a ni Stephanie Mercado-de Koenigswarter iti social media idi kalman bayat a naka-confine iti Makati Medical Center.
Tawen 2018, a naduktalan nga addaan ti breast cancer ken idi bulan ti Hulyo a nagbalin a kritikal ti kondisyon rason a naitaaray iti ospital.
Naibilang kas maysa kadagiti kalaingan nga atleta ditoy pagilian ni de Vega a nangabak iti siyam a balitok a medalya iti Southeast Asian games ken Asian Games.
Iti dati a track queen ket nakagun-od ti uppat nga Asian Athletics Championships, dua idi tawen 1983 ken dua idi tawen 1987 agraman ti dua nga Asian Games gold medals idi tawen 1982 ken 1986.
