LAOAG CITY – Maipagarup a ‘big fish’ a karaman iti flood control scandal, naikeddeng a mapilaan ti kaso inton bigat, Hunio 4
Naikeddeng a mangipila iti Department of Public Works and Highways (DPWH) ti kaso kontra iti maipagarup a ‘bi fish’ a karaman iti flood control scandal inton bigat, Hunio 4.
Daytoy ket kalpasan ti anunsio ni DPWH Secretary Vince Dizon kageddan ti inspeksion iti Matalahib Creek Pumping Station iti Quezon City.
Nagkedked met a mangipaay ti sekretario ti nagan ngem inbatadna a high profile wenno dadakkel a tao manipud idiay Bulacan.
Maipalagip a inaprubaran ti Office of the Ombudsman ti criminal charges karaman ti plunder kontra kadagiti agpanpanday-linteg nga isu da Senador. Jinggoy Estrada ken dagiti dati nga opisial ti DPWH.
