LAOAG CITY – Pinaiget ti 2nd Mechanized Infantry “MAKASAG” Battalion ti Philippine Army ti panagsagsaganada para iti umadanin a 2026 Bangsamoro Parliamentary Elections.
Mainaig iti daytoy, agtultuloy ti panangiwayat ti yunit ti nagduduma a security measures iti Area of Responsibility-da tapno masigurado ti natalged, naannayas ken naurnos nga eleksion.
Karaman kadagiti panagtignayda ket ti naigiget a koordinasionda kadagiti nagduduma a lokal a gobierno, law enforcement agencies, higher headquarters ken kadagiti dadduma pay a karaman nga ahensya.
Kabayatanna kalikagum ti 2nd Mechanized Infantry “MAKASAG” Battalion ti Philippine Army a maproteheran ti karbengan dagiti residente ti Bangsamoro a nawaya ng agpili kadagiti mangibagi kadakuada nga awan ti aniaman a mariknada a panagbuteng.
