Nakasagana ti Malacañang a makitinnulong kadagiti budget watchdogs ken civil society groups tapno tingitingen ti gakat a 2027 national budget ken ginutigotna dagitoy a direkta a mangsumitir iti Palasyo dagiti dokumento a naglaon ti posible nga irregularidad.
Inbatad ni Presidential Communication Office (PCO) Undersecretary ken Palace Press Officer Claire Castro iti press briefing iti Malacañang a napateg dagiti naduktalan dagiti grupo nga agbanbantay iti panagusar ti pondo ti pagilian tapno maipadanon iti Presidente dagiti posible a red flags iti gakat a budget.
Inpasigurado ni Castro a saan a palubusan ni Presidente Ferdinand R. Marcos Jr. dagiti budget amendment nga awan ti umdas a dokumentasion, nalawag a panangiladawan ken konkreto a proyekto a pangibasaran.
Kabayatanna, inbatadna a dumalan iti panangtingiting ti bicameral conference committee ken ti economic team ti Presidente ti gakat a 2027 budget sakbay nga isumitir iti Chief Executive para iti pirmana.
