LAOAG CITY – Naglikudan ti Malacanang Press Corps (MPC) ti alegasyon a maus-usar wenno mabaybayadan da tapno kaluban ti pudno a sitwasyon ti salun-at ni Presidente Ferdinand Marcos Jr.
iti inisyal nga inparuk-at nga statement, inpetteng ti MPC nga ammo da ti kinapateg ti salun-at ni Presidente Marcos Jr. kas paset ti national security.
Segun it MPC, makita kadagiti naglabas a report ken press briefing no kasanu ti naiget a panagsaludsud dagiti opisyal ti gobierno seknan iti daytoy.
Tinakderan ti MPC ti kredibilidad dagiti report da kadagiti naglabas a lawas.
Kinondenar da dagiti gandat a mangdadael ti reputasyon dagiti agirakrakurak ken ulawen ti publiko para iti bukod da nga interest.
Inpetteng pay ti MPC a dagiti ipadpadamag da ket naibasar iti beripikado nga impormasyon manipod kadagiti mapagtalkan a source ken iti naimatangan da a mismo.
Inpasigurado da a dimmalan iti naiget a beripikasyon ti kada detalye sakbay nga iparuk-at da daytoy iti publiko.
