LAOAG CITY – Suportado ti Malacañang ti panangiwayat ti imbestigasion iti reklamo a naipila kontra ken ni Health Secretary Jose Pujalte Jr. mainaig iti maipagarup a karaman daytoy iti sugal.
Inbatad ni Palace Press Officer Claire Castro a napateg a matingiting ti reklamo tapno maammoan ti kinapudno.
Inlawlawagna nga agtignay met ni Presidente Ferdinand Marcos Jr. no adda ti mapaneknekan nga ebidensia kontra iti sekretario.
Iti reklamo nga inpila dagiti nagpabigbig a “concerned citizens” iti Presidential Complaint Center, naakusaraan ni Pujalte a maipagarup a masansan nga agsugal kadagiti casino ken agus-usar ti nagduduma nga alyas kadagiti hotel.
Naiget met a naglikudan ni Pujalte dagiti alegasion ken inpettengna nga awan ti kinapudnona dagitoy.
Kabayatanna, inpetteng ti Malacañang a saanna a supsupotaran wenno konkontraen ti panawagan nga isuspenso ti sekretario kabayatan nga iwayawayat ti imbestigasion.
