LAOAG CITY – Dinayaw ti Malakanyang ti Bureau of Customs (BOC) kalpasan a naartapanna ti target a koleksion ken makaukkon ti sumurok P400 bilyon iti umuna a lima a bulan ti 2026.
Inbatad ni Presidential Communications Office Undersecretary ken Palace Press Officer Claire Castro, umabot iti P406.3 bilyon ti nakolektar ti Bureau of Customs manipud Enero agingga Mayo ita a tawen.
Kunana a ti sobra a koleksion nga umabot iti PhP9.3 bilyon ket makatulong iti panangpundo dagiti prioridad a programa ken proyekto ti gobierno.
Innayonna a maikonkonektar ni Commissioner Ariel Nepomuceno ti multi-bilyon a pisos sobra a koleksion ti ahensia iti nasayaat nga operasion ken natibtibker a koordinasion dagiti agpapaay ti Customs.
