LAOAG CTY – Inigetan ti management ti madungan Dam iti ili ti Dingras ken Marcos ti patigmaan kadagiti agpipicnic itan ta adda pimusay.
Inbatad daytoy ni Mr. Ancheto Pugiao dati a kapitan ti barangay iti Bgy. Cacafean iti ili a Marcos.
Segun ken ni Pugiao, isu laeng ti mabalin nga aramiden da gapu ta saanda met a mabalin a pawilan nga adda aginum ti nasanger gapu ta paset ngarud ti ragragsak.
Nupay kasta, kuna na a pagsasaritaandanto kadagiti kakadua na ti posible a malimitaran ti panaginum ti nasanger.
Maipalagip a pimmusay ti agnagan ti Clemencio Puzon, maysa a Bgy. Tanod ken residente iti Bgy. Eascoda iti ili a Marcos kalpasan a maipagarup a nag-dive kalpasan a napanda nagpi-picnic iti nasao a dam idi kalman.
