LAOAG CITY – Natiliw ti maysa a mangalap iti naiyuswat a search operation iti Brgy. Gabut Norte iti ili ti Badoc.
Binigbig ni Police Captain Artemio Clemente ti subject ti operasyon a ni Samuel Laurelio y Vidad, residente iti nasao a barangay.
Nakumpiskar iti pagtaengan ni Laurelio ti water jag iti kusina da a naglaon ti tallo a botelya ti pagbungbong, dua a time fuse wenno denotating cord, dua a blasting caps, maysa a napagtiponen a blasting cap ken denotating cord, maysa a yellow plastic cellopane naglaon ti potassium nitrate.
Segun kenni Clemente, namin-siyam nga adda ti nanggeg da a kanalboong iti baybay iti nasao nga ili rason nga inyuswat da ti operasyon kalpasan a nakikoordenar da kadagiti maseknan a personalidad.
Inbatad na a basar iti palawag ni Laurelio ket ang-angkaten na dagiti pagbungbong manipud idiay Ilocos Sur rason a makikoordenar da iti PNP iti nasao a probinsya tapno maputed a maminpinsan ti kastoy nga iligal nga aktibidad.
Mainaig iti daytoy, naiget a naglikudan ni Laurelio a kukua na dagiti naala a pagbungbong ken kunana a gapgapo na laeng a napan nagsigay idi maiyuswatan ti operasyon.
Kunana nga idi simmangpet iti pagtaengan da ket addan dagiti pulis ken inakusaran na nga adda simreken iti balay da kasanguanan ti operasyon.
Ti search warrant ket inparuk-at ni Presiding Judge Nida B. Alejandro iti RTC Branch 12 ditoy ciudad ti Laoag gapo iti pammati nga agik-ikot ni Laurelio kadagiti illegal a pagkalap a maisalungasing iti RA 9516.
