LAOAG CITY – Nagballaag ni Ms. Ryan Rollaine Simon, mangidadaulo ti Municipal Disaster Risk Reduction and Management Office (MDRRMO) iti ili ti San Nicolas kadagiti umili nga agridam ken isagana dagiti kangrunaan a masapul nu adda kalamidad.
Daytoy ket gapu pay laeng ti mapaspasaran a paniempo nga ituntuda ti Bagyo Julian.
Kunana a no masapul nga agbakwit ket saanen nga agpangdudua.
Kinasarita na pay dagiti amin a Barangay Officials nga agmonitor agingga a makaruar ti bagyo Julian
Inpasigurado met ni Simon a nakamonitor da 24/7, nangruna kadagiti baranagay a masansan a masansan a maalaylayus nangruna iti Barangay Poblacion iti nasao nga ili.
Inpakaammu na pay a nakasagana dagiti heavy equipments, agraman dagiti barangay hall, ti mini cultural center, ken dagiti pagadalan tapno agserbi kas evacuation centers no inkaso nga adda agbakwit.
Nu man pay awan pay ti inbutaktak ti Department of Agriculture a nadadael inti benneg ti agrikultura, ket inpakaammu ni Simon a posible a naruay manen dagiti madadael a pagay sipud ta apaman ti panagmonitorda ket adu dagiti nakita da a nagdaplagen.
