LAOAG CITY – Natiliw ti maysa a mannalon iti naiyuswat a search warrant operation iti Sitio Lubong, Barangay Sacritan iti ili ti Pinili.
Daytoy ti inbaga ni Police Lt. Rey Carl Almazan, ti chief of police iti ili ti Pinili.
Binigbig ni Almazan ti subject ti operasyon a ni Jojo Agustin Lacuesta, agtawen ti 45, naasawaan, mannalon ken residente iti Sitio Lubong, Barangay Sacritan iti nasao nga ili.
Segun ken ni Almazan, insayangkatan da ti operasyon ni Lacuesta kalpasan nga adda dagiti naawat da a report nga agpap-paputok ti paltog no mabartek.
Inbatad ni Almazan nga inbaga ni Lacuesta nga adda ti lisensya na ngem ti License to Own and Possess Firearm (LTOPF) na ket expired idi pay 2015.
Karaman a nakumpiskar iti balay ni Lacuesta ket ti maysa a kalibre 45 a paltog, maysa a bala ti 7.62mm a bala, pito nga empty shells ti kalibre 45, maysa a short magazine nga addaan ti lima a bala, Black Holster ken maysa a short magazine ti cal. 45 nga addaan ti lima a bala.
