LAOAG CITY –Naiyuswat ti Mass Wedding iti babaen ti panangidaulo ni Mayor Edmar Bingbong Bonoan iti ili ti San Nicolas.
Daytoy ket pakabuklan ti 9 a pares a nagkallaysa no sadinno a naitampo ti ‘love knows no boundaries’ gapu ta nagtitipon dagiti agsasabali nga edad, agsasabali a lugar, ken agsasabali nga estado ti panagbiag.
Ti nasao a panagkallaysa ket ginastosan ti lokal a gobierno no sdinno a pakairamanan ti reception, taraon, wine, flowers, ken dadduma pay a kangrunaan a masapul.
Naamoan a ti laeng ginastos dagitoy ket ti singsing a kas simbolo ti panagayat dagiti nagkallaysa.
Kabayatanna, nangipadanon me dagiti nagduduma nga opisial ti Lokal a Gobierno ti ili ti San Nicolas ti nabara a panagkablaaw kadagiti nagkallaysa gapu ta mamati dagitoy a ti panagkasar ti napateg a pundasion ti oanangrugi iti maysa a pamilya.
