LAOAG CITY – Agsagsaganan ni Mayor James Bryan Alcid para iti State of the City Address-na ditoy siudad ti Laoag no sadinno manarimaan ti panag-review-na no kasano ti panag-report-na iti naggapoanan ti administrasionna iti uneg ti maysa a tawen.
Kunana a saan daytoy a mabuteng nga ipakaammo kadagiti umili dagiti naaramidanna ken dagiti department heads gapu ta makita dagiti umili ti panagdur-as ti siudad babaen iti panangidaulona.
Mainaig iti daytoy, binigbigna ti naiget a panagtrabaho dagiti amin nga empleado iti Laoag City Hall tapno maipaay ti alisto ken umno a serbisio kadagiti umili.
Innayonna a nakasagana dagiti nagduduma a programa ditoy siudad ti Laoag para iti sumarsaruno pay a tawen.
