LAOAG CITY – Kalikagum ni Mayor Richard Degala iti ili ti Vintar a maipasa ti annual budget iti ilida para iti 2025 sakbay nga agngudo ti tawen.
Segun kenkuana, ipasada inton bulan ti Oktubre ti inlungalongda a pundo iti Sangguniang Bayan para iti naan-anay a pannakatingitingna.
Inbatadna a dagiti maipangpangruna ket dagiti saan pay a nalpas a proyektoda tapno adda ti pakakitaan ti naggapoanan ti agdama nga administrasion.
Inlawlawagna a naawaten ti bingay ti lokal a gobierno iti ili ti Vintar ti Tobacco Excise Tax isu a kalikagumna a maipaay daytoy kadagiti maseknan a pangopisinaan.
Innayonna a ngimmato iti 19 a porsiento ti nagngatoan ti buis iti ili ti Vintar no sadinno nga agarup siam agingga sangapulo a milyon a pisos ti nakolektarda ita a tawen.
