LAOAG CITY – Inpasigurado ni Mayor James Bryan Alcid ditoy siudad ti Laoag nga awanen dagiti panagtedted ti danum kadagiti opisina wenno pasilidad iti Laoag City Hall no kastoy a madanunan ti panagtutudo .
Segun kenkuana makita nga adon dagiti nagbaliwan ti City Hall gapu ta sumagmamano kadagiti pasilidad ken opisina ket naiplastar ken napabaro.
Kunana a ti Laoag City Hall ket maika-dua a balay dagiti mangmangged iti siudad nga iso ti gapuna a maipangpangruna ti kinatalgedda babaen ti pannakatarimaan ti pasilidad .
Mainaig iti daytoy, inbatad Mayor Alcid a natarimaanen dagiti agububo a paset ti City Hall no sadinno ket awanen dagiti makita pay nga agubo a danom .
Gapu iti daytoy, patien ni Mayor Alcid nga ad-adda a napinpintas a serbisio ti maipaay kadagiti umili no naurnos, naplastar ken nadalus ti maysa a pasdek ken opisina.
Kabayatanna , impanananamana pay ni Mayor Alcid ti agtultuloy a pannaka-disinfect dagiti amin nga opisina iti Laoag City pakairamanan iti pannakaiyuswat iti fumigation kadagiti barangay ditoy siudad tapno masigurado ti kinatalged dagiti residente.
