LAOAG CITY – Desidido ti maysa a Barangay Health Woker a mangireklamo iti maysa a Barangay Kagawad iti Barangay Pipias iti ili ti Bacarra gapo iti maipagarop a pannakaarikap na.
Segun iti BHW, nakaduty isuna iti Barangay Hall ken napan ti kagawad ken dinamag na kenkuana no agawiden daytoy.
Inbatad na a bayat ti panagipakni na ken iti panangidiso na ti cellphone na ket maipagarop a kellaat lattan nga iniggaman ti kagawad ti siket na isut gapo na nga inwadag na ken naala ti takyag daytoy ken gapo iti pungtot na ket adda dagiti naisawang na iti opisyal rason a nagpadespensar met ti maseknan.
Inlawlawag na nga idi addan iti balay da ket dinamag ti asawa na no anya ti mapaspasamak kenkuana ken iti panagruwar na ket nakita na ti maysa pay a konsehal daytoy ti nangibaga nga ireklamo na ti madakdakamat a kagawad.
Inbaga na nga iti dayta a gundaway ket saan met a makiin-innangaw iti kagawad ken uray adda ti tattao iti barangay hall ket saan a makita iti ayan da.
Mainaig iti daytoy, kuna met ti asawa ti BHW nga idi naamoan na ti napasamak ket napan iti balay ti kagadaw ngem saan na a nadanon ti opisyal.
Kunana nga inbaga na laengen kadagiti kapamilya ti kagawad ti napasamak ken tapno bagbagaan da daytoy.
Kabayatanna, kuna ni Brgy. Chairman Roldan Mendoza a saan laeng a daytoy ti ummuna a gundaway a nairaman ti nadakamat a kagawad no sadinno ket maipagarop nga adda manen ti panangarikap ti maseknan iti paset ti Barangay Corocor.
Kunana a ti kagawad ket uamabot iti siyam a tawenen nga agserserbi iti nasao a barangay.
Inbaga na a basar iti Kagawad ket saan na nga inranta ti panangarikap iti siket ti BHW.
Innayon na a respetaren na met ti desisyon ti BHW ken ti asawa na a mangipila ti reklamo kontra iti kagawad.
