LAOAG CITY – Pimmusay ti maysa a lalaki kalpasan a binagko-bagkong kaanakan na iti Brgy. 20 San Pablo, San Nicolas, Ilocos Norte.
Nabigbig ti biktima a ni Rosendo Viernes y Espelita, agtawen ti 60, foreman iti NIA, ken residente iti Brgy. Paurido, Urdaneta, Pangasinan idinto a ti suspek ket ni Justin Andrada, stay-in construction worker iti NIA, ken residente iti Brgy. San Vicente, Urdaneta, iti nasao a probinsya.
Segun kenni Police Lt. Godofredo Ribuyaco, deputy chief of police ti PNP-San Nicolas, agin-inom ti biktima ken suspek iti arak idi ta nagriri dagitoy gapo iti bluetooth speaker.
Inbatad na a maipagarop nga iparit ti biktima nga agpatukar ti suspek gapo ta rabiin.
Gapo iti daytoy, nagprobokar ti suspek ken binagko-bagkong na ti biktima iti barukong daytoy.
Naitaray ti biktima iti Mariano Marcos Memorial Hospital and Medical Center iti ciudad ti Batac ngem naideklara a dead on arrival.
Kalpasan a naglibas ti suspek ket naiyuswat ti hot pursuit operation ken natiliw daytoy iti paset ti Barangay Quiling Norte iti ciudad ti Batac.
Iti agdama, maisagsagana metten ti kaso kontra iti suspek.
