LAOAG CITY – Nakita dagiti otoridad ti maysa a nalamiis a bangkay ti lalaki iti Brgy. 15 iti ili ti Paoay.
Segun ken ni P/Cpt Jackson Sugayen, hepe ti Paoay Municipal Police Station ti biktima ket agnagan Erwin Pedro, stay-in construction worker iti Brgy. 15 iti ili ti Paoay.
Basar iti imbestigasion dagiti otoridad nag adda ti naawatda a report manipud ken ni Mr. Alvis Blen, agtawen ti 39, awanan asawa, tubo iti Lagangilang, Abra ken stay-in construction worker iti nasao a lugar ket apaman a mapanna riingen ken kitan ti biktima ket nakita na daytoy a natnag iti pagiddaanna ken maysan a nalamiis a bangkay.
Segun ken ni Dr. Cherry Mae Pamo, Municipal Health Officer a rumrummuar ti rason ti pannakatay ti biktima ket gapu iti stroke secondary to Chronic Venous Insufficiency (CVI), ken awan ti nakita a paglasinan ti foul play.
Kabayatanna, kuna ni Sugayen a nagkedked ti pamilia ti biktima a dumalan iti autopsy.
