LAOAG CITY – Maluksaw ti maysa a senior citizen a ni Mrs. Estelita Agustin, agtawen ti 78, ken residente iti Barangay Elizabeth, iti ili ti Dingras gapu ti maipagarop a saan a napintas a panang-akomodar ti Dingras District Hospital kenkuana.
Ni agustin ket nakagat ti aso iti paset ti rupa na nga asideg iti mata na, ngem apaman a nagturong da iti nadakamat a pagagasan ket pinasabonan laeng ti nang-akomodar kadakuada, ken binagaan da nga agturong iti Governor Roque Ablan Senior Memorial Hospital para iti naan-anay a pannakataming sipod gapu ta awan ti pagdait ti ospital.
Iti palawag ni Agustin, saan a pulos a napintas ti nagbalin a trato ti ospital kenkuana.
Kunana nga awan pay ti ambulansya kuma a nangitulnog kadakuada iti Governor Roque Ablan Senior Memorial Hospital, isu a nagarkila da ti tricycle.
Innayon pay ti biktima a nga awan ti intudok ti Dingras District Hospital nga anti-rabies ken natudokan laeng idi nagturong da iti Governor Roque Ablan Senior Memorial Hospital.
Kabayatanna, impakaammo ti apoko ni agustin nga agarop alas diyes, Pebrero 12 ket nakagat ti lola na iti maysa nga aso a taraken met laeng ti karruba da.
