LAOAG CITY – Nagbalbaliktad ti maysa a traysikel kalpasan a dinarusdos na dagiti barikada nga adda iti tengnga ti Gilbert Bridge ditoy ciudad ti Laoag.
Nabigbig ti driver a ni Rodel Sacsac, addaan ti umno a tawen ken residente iti Barangay 11 ditoy ciudad.
Segun iti imbestigasyon ti PNP-Laoag, agpaabagatan a direksyon ni Sacsac idi kellaat a dinungpar na dagiti barikada.
Gapo iti daytoy, nagbalbaliktad ti tricycle ken nagsagaba ti sugat ti driver iti nagduduma a paset ti bagi na.
Dagus met a naitaray ti biktima iti Governor Roque Ablan Senior Memorial Hospital.
Naamoan nga awan ti pasaheros ti nasao a tricycle idi napasamak ti insidente.
Saan met pay a makumpirmaran no nakainom ti nasanger ti driver idi dinarusdos na dagiti barikada iti nasao a rangtay.
