LAOAG CITY – Kalikagom ni Mrs. Eusebia Tomas, maysa a balo ken taga Barangay 19, Abucay, Piddig, Ilocos Norte a maidanun a mismo ken ni Governor Imee Marcos ti problema na.
Daytoy ket mainaig ti maipagarop a panangtagtagikua ti maysa kadagiti karruba na ti lote a nakaipatakderan ti balay na.
Segun ken ni Tomas, addan agarop tallo a tawen a tagtagikuawan ti karuba na ti sumagmamano a paset ti lote da.
Inbatad na a namin-adon a daras nga inyuman na metten daytoy a banag iti kapitan da ngem maipagarop a saanna nga ak-aksyunan.
Segun ken ni Tomas, ti lote ket kukua ti lolo na ken awan ti sabali nga agtawid no saan nga isuna gapu ta maymaysa nga inanak daydi ina na ken dudua da laeng nga agkabsat nga adda metten ti adayo a lugar.
Naamoan a ti nasao a lote ket addaan ti kalawa a 2,000sq meters.
