Iluko Version
Maysa a lakay, nabirukan a bangkay idiay ili ti San Nicolas; awan ti foul play na – PNP
LAOAG CITY – Nabirukan a maysan a bangkay ni Mr. Macario dela Cruz Sr., agtawen iti 72, ken residente iti Barangay 9, San Nicolas, Ilocos Norte.
Inbatad ni Barangay Kagawad Manuel Aninag iti nasao a barangay a basar kadagiti annak ni dela Cruz ket alas-kwatro pay laeng idi malem a pimmanaw iti balay da ti nasao a biktima.
Kuna na a nakigtot laengen idi maipakaammo kenkuana nga adda ti nakita a bangkay ti maysa a lakay iti kataltalunan.
Innayon na nga iti panagturong na iti lugar ket nakumpirmaran na a ni dela Cruz.
Mamati ni Aninag a nalmes ni dela Cruz iti kataltalunan ti nakalmesan na gapu ta nalungog ti lugar.
Kinumpirmaran ni Aninag nga uray ania nga oras ket rumuar ti biktima gapu ta daytoy ket agkabawen.
Kabayatanna, iti imbestigasyon ti PNP-San Nicolas ken ti eksamin ti doktor ket awan ti nakita a foul play iti pannakatay ti nasao a lakay.
