LAOAG CITY – Nagsagaba ti sugat ti maysa a lalaki kalpasan a nadungpar na ti walang nga aso iti kalsada a paset ti Barangay 13 ditoy ciudad ti Laoag.
Nabigbig ti biktima a ni Jayson Pasion, agtawen ti 24, awanan ti asawa ken residente iti Barangay Bugasi iti ili ti Banna.
Basar ti inisyal nga imbestigasyon ti PNP-Laoag, agpalaud a direksyon ni Pasion ket kellaat a limmasat ti aso manipud iti abagatan a direksyon.
Gapo iti panaglikik na a madungpar ti aso ket naigalis ti motorsiklo na iti konkreto a pavement railing.
Nasugatan ni Passion iti agsinnumbangir a bakrang na gapo iti nasao nga insidente.
Kabayatanna, nagballaag ti PNP-Laoag kadagiti residente iti naiget a panagmonitor da kadagiti taraken da a dingwen.
