LAOAG CITY – Maysa ti nasugatan ti napasamak a panagtagtagbat iti Barangay 46, Nalbo ditoy ciudad ti Laoag.
Nabigbig daytoy a ni Danilo Salvador Julian, agtawen iti 55, naasawaan idinto a ti suspek ket ni Christopher Julian Maloles, agtawen iti 20 ken agpada dagitoy a residente iti Barangay Nalbo ti nasao ciudad.
Iti imbestigasyon, nagriri dagiti dua ket napan inayaban ti suspek ti kabsat na a ni Chrisver Julian Maloles.
Iti pangsubli da ket addan ti armas dagiti agkabsat a Maloles a bote idinto a ti biktima ket nagarmas met ti buneng.
Nupay kasta, bayat ti panagkakabil da ket naagaw ti suspek ti buneng nga iggem ti biktima ket isu ti panangtagbat na iti ulo na.
Naitaray ti biktima iti Laoag City General Hospital (LCGH) para ti naan-anay a pannakataming na.
